開始了！老紀的北遊記終於開始了！！
小癡，我有守承諾啊！！！
首先，
帶大家在上水市中心吃吃逛逛一下吧！！！！！
好吧！
我們就由上水廣場五樓開始吃下去！！！
台式連鎖餐館，
在香港也有不少分店呢！！
上水這一間我未吃過，
但大埔那一間我就吃過了！！！
那次點了個石鍋飯，
味道不錯飯焦夠香口，
但就有點小貴，
$30-$40，
上水那一間也可以一試！！！
茶軒旁邊有兩間餐廳，
一間是小城知味（看上面），
也蠻好吃的，
在我個人而言，
份量有點少，
但價錢相對較便宜，
之前在裡面吃過一些點心 / 餃子、麵類、豬排飯這些也不錯吃的！！
另一間是...........潮客，
我未吃過，
但據網上的人講，
好像不太好吃的，
也沒有興趣去試試（因為我不是很愛吃潮州野的）
裡面裝修似茶樓，
我諗都應該有得飲茶啩！！
好啦！
跟住落去上水廣場四樓，
有..............................
這間連鎖式日本野，
未吃過，
網上評語就一般，
好似都幾貴咁！！！
跟住有......客家好棧（此店已關！！），
好多年前去過呢間一次，
吃晚飯，
感覺不錯，
我不記得吃了什麼但總之就令我滿意！！
價錢都可以接受，
當時三個人$278，
我唔知而家的價錢，
但我諗就算加左一之後位位$100有找吧！！
四樓電梯旁的紅樹林餐廳，
同椰林閣同一個集團，
食物與服務質素我覺得差不多....................
食物水準較飄忽；
服務方面，
我個人覺得麻麻，
唔知其他區啦，
但北區的椰林閣 / 紅樹林我就覺得上菜慢，
有一次因為我同一d人調左位，
所以之後我地一帶的三四張枱都成日上錯菜，
十分麻煩！！！
p.s. 我地區重有粉嶺花都廣場那一間椰林閣，而以前開o係聯和墟海聯o個間就已經關門大吉了！！！
之後上水廣場二三樓重有一d主流連鎖餐廳（bistro delifrance、KFC、Pizza hut、大快活），我就不多作介紹了！！
順帶一提，
上水廣場五樓據（維基百科）講會開全港首間starbucks的露天茶座，唔知開唔開得成呢？！大埔都已經有兩間starbucks，但上水 / 粉嶺一間都未有，希望開得成啦！
好啦，
行完上水廣場就o係二樓行天橋過對面新都廣場啦！
新都廣場有好多知名連鎖餐廳（元綠、元氣、味千、許留山、大家樂等），
呢d都唔多作介紹了！
呢間開o係新都廣場地下的，
是維苑餐廳，
一間大眾化西餐廳，
可以試試，
好多年前食過就覺得ok啦..................................
係咪好無聊呢！
M記都講一餐..........................
其實，
新都廣場的M記係我地北區第一間M記來的，
於1991年開張（新都廣場也是於1991年開幕，是北區最早期的那一批購物商場），
更加係全北區最大的M記............................
可惜，
新都M記於2007年年初關門大吉了！！
只是，
到了2007年尾，
M記在新都廣場復活了！
只是，
搬了去隔籬幾個鋪位，
而且面積細了很多，
不過就變左24hrs同加埋mccafe，
大概是開24hrs成本太高所以要成間鋪縮水啦！！
M記大家都去過晒，
唔多講了！！
好了！
跟住我地去到新都廣場後面的上水中心，
那裡的街坊食肆比之前兩個新鴻基商場的要多...........................
首先，
上水中心地下這間天天見麵，
開左成十幾年，
我細細個已經去過食，
是上水中心的老店之一！
呢間認真唔錯，
價錢便宜，
野食又好味！！！
o個度d香茅豬排飯好香口的，
大家經過可以試試（不過相信除非你係北區人，如果唔係都無咩可能會經過的了！）
天天後面有一間叫雙魚亭，
名好聽而野食又得，
係價錢貴左d lor..................（$40-$50）
o個度d肉醬意粉都幾好味（對我呢個肉醬王來講）！！
到了上水中心二樓，
有呢一間魚米家，
呢間都係連鎖餐廳，
但我好少去食，
因為我唔鍾意食魚米、魚湯o個類的（不過裡面都好似有好多其他野食），
大家鍾唔鍾意食魚米的都可以去試一試，
之後上來話俾我聽食後感！！！
上水中心二樓中間有這一間以燒鵝聞名新界東的海港酒家（o係馬鞍山同大埔都好似有），
那裡的燒鵝幾香口，
其實點心都唔錯，
不過好鬼死多人（無計啦，出名係咁架啦！）........................
上水中心二樓另一邊有呢間（金裝）燉奶佬，
我就唔知金裝唔金裝的分別啦，
但呢間野其實o係好多年前上水龍豐花園條巷仔都有的，
後來就關門大吉，
但近排就重現上水......................
不過，
咁多年前我連食過未都唔記得了，
派頭幾勁咁樣，
各位去過食過的都係o個句，
上來同我寫食後感吧！！！
好了，
第一集的《吃在上水市中心（一）》就講到呢度，
下一集依然係吃在上水市中心......（二）呀！！！
多謝捧場！！！！！
留言列表
